Class 10 Assamese Book Question Answer SEBA .
অৰুণিমা সিন্হা
১।
চমুকৈ উত্তৰ লিখা।
(ক) অৰুণিমা
সিন্হাৰ কোন বিধ খেলত বিশেষ দক্ষতা আছিল?
উত্তৰ:- অৰুণিমা সিন্হাৰ ভলীবল খেলত বিশেষ
দক্ষতা আছিল ।
(খ) অৰুনিমা
সিন্হাৰ ঘৰ ক'ত ?
উত্তৰ:- অৰুনিমা সিন্হাৰ ঘৰ উত্তৰ প্ৰদেশত ।
(গ) হস্পিতালত
থাকোঁতে অৰুণিমাৰ মনত কি সপোনে তীব্ৰ ৰোপ লৈছিল?
উত্তৰ:- হস্পিতালত থাকোঁতে অৰুণিমাৰ মনত হিমালয়ৰ শৃংগলৈ
উঠাৰ সপোনে তীব্ৰ ৰোপ লৈছিল ।
(ঘ) চিকিৎসালয়ৰ
পৰা ওলাই গৈ অৰুণিমাই কাক আৰু কিয় লগ ধৰিছিল?
উত্তৰ:- চিকিৎসালয়ৰ পৰা ওলাই গৈ অৰুণিমাই এভাৰেষ্ট বিজয়ী বাচেন্দ্ৰি পালক লগ ধৰিছিল ।
অৰুণিমাই হিমালয়ৰ শৃংগলৈ উঠাৰ যি সপোন দেখিছিল তাক সফল
কৰিবলৈ পৰামৰ্শ বিচাৰি বাচেন্দ্ৰি পালক লগ ধৰিছিল ।
(ঙ) মাউণ্ট
এভাৰেষ্টত অৰুণিমাই কেতিয়া আৰোহণ কৰিছিল ? তেওঁ তাত কিমান
সময় ধৰি আছিল?
উত্তৰ:- মাউণ্ট এভাৰেষ্টত অৰুণিমাই ২০১৩ চনৰ ২১ মে তাৰিখে আৰোহণ কৰিছিল । তেওঁ প্ৰায় ডেৰ ঘণ্টা সময় ধৰি তাত আছিল
।
২।
অৰুণিমা সিন্হাই ৰেলযাত্ৰাৰ সময়ত কি দুৰ্ঘটনাৰ মুখামুখি হবলগীয়া হৈছিল ? এই
দুৰ্ঘটনাত অৰুণিমাই কি হেৰুৱাবলগীয়া হৈছিল ?
উত্তৰ:- অৰুণিমা সিন্হাই ৰেলযাত্ৰাৰ সময়ত ডকাইত কবলত পৰিছিল । দুৰ্বৃত্তৰ দলটোৱে ৰেলযাত্ৰীসকলৰ পৰা টকা-পইচাৰ লগতে হাতৰ, কাণৰ,
ডিঙিৰ আটাইবোৰ আ-অলংকাৰ কাহি লৈ গৈছিল । আন আন যাত্ৰীৰ লগতে
অৰুণিমাৰ ডিঙিৰ চেইণডাল বিছাৰিছিল । কিন্তু অৰুণিমাই চেইণডাল দিবৰ বাবে মান্তি হোৱা নাছিল । তেওঁ ডকাইতবোৰক কৈছিল যে সেইডাল এডাল চেইন নহয়, তাইৰ মাকে তাইক
দিয়া আশীৰ্বাদ । ডকাইতবোৰে বাৰে বাৰে দিয়া ধমকিৰ ওচৰত অৰুণিমাই সেও মনা নাছিল । অৱশেষত অন্যায়ৰ ওচৰত সেও নমনা অৰুণিমাইক ডকাইতবোৰে ডাংকোলাকৈ তুলি নি
চলন্ত ৰেলগাড়ীখনৰ পৰা বাহিৰৰ অন্ধকাৰলৈ দলিয়াই দিলে । সেই সময়তে ওচৰৰে আন এখন
ৰেল গাড়ী আহি আছিল । অৰুণিমাৰ শৰীৰটো চলন্ত ৰেল গাড়ীখনত খুন্দা খাই তললৈ পৰি গল ।
অৰুণিমাই প্ৰাণে প্ৰাণে চিয়ৰিলে কিন্তু ৰেলৰ ইঞ্জিন আৰু চকাৰ শব্দত তাইৰ মাত তল
পৰি গল । অৰুণিমাই প্ৰায় ৭ ঘন্টা সময় ৰেল আলিৰ কাষত পৰি থকিল আৰু সেই সময়ত কাষেদি ঊনচল্লিছখন ৰেল পাৰ হৈ গ'ল ।
এই দুৰ্ঘটনাত অৰুণিমাই এখন ভৰি চিৰদিনৰ বাবে
হেৰুৱাব লগা হ'ল আৰু আন খন ভৰিত লোৰ ৰদ সুমুৱাই তাৰ সহায়ত চলাফিৰা কৰিব পৰা হল । হেৰুৱা ভৰিখনৰ ঠাইত কৃটিম ভৰি সংযোজন কৰা হ'ল ।
More Resours For Class 10 Solutions in Assamese Medium
- Class 10 Maths Solutions
- Class 10 Science Solutins
- Class 10 Social Science Solutions
- Class 10 Assamese Solutions
- Class 10 English Solutions
- Class 10 Hindi Solutions
- Class 10 Advanced Geography Solutions
৩।
অৰুণিমাৰ সপোন পূৰণ কৰাৰ ক্ষেত্ৰত বাচেন্দ্ৰি পালে কেনেদৰে সহায় কৰিছিল ?
উত্তৰ:- ৰেলযাত্ৰাত দুৰ্বত্তৰ কবলত পৰি নিজৰ ভৰি হেৰুওৱা
অৰুণিমা সিন্হাৰ মনত হস্পিতালৰ বিছনাত শুই থাকোতেঁই
হিমালয় শৃংগলৈ উঠাৰ সপোন তীব্ৰ হ'বলৈ ধৰিলে । এনেতে তেওঁ গম
পালে এভাৰেষ্ট বিজয়ী বাচেন্দ্ৰী পালে তেওঁক সঠিক পৰামৰ্শ দিব পাৰিব । চাৰি মাহৰ
মূৰত তেওঁ হস্পিতালৰ পৰা ওলাই ঘৰলৈ নগৈ পোনে পোনে বাচেন্দ্ৰী পালৰ ওচৰ পালেগৈ ।
বাচেন্দ্ৰী পালে অৰুণিমাৰ সকলো
কথা সহমৰ্মিতাৰে শুনিলে । ছোৱালিজনীৰ দুচকুত সপোন, প্ৰত্যাহবান
আৰু আত্মপ্ৰত্যয়ৰ ভাৱে তেওঁৰ মনতো বিশ্বাস জন্মালে যে সঠিক প্ৰশিক্ষণ আৰু সাহস
পালে, এগৰাকী ছোৱালীয়ে নিশ্চয় এদিন লক্ষ্যত উপনীত হব পাৰিব ।
অৱশেষত টাটা ষ্টীল এডভেঞ্চাৰ ফাউণ্ডেচনে চলোৱা অনুশীলন কেম্পত এভাৰেষ্ট বিজয়ী
বাচেন্দ্ৰী পালৰ তত্বাবধানত অনুশীলন চলিল আৰু ২০১৩ চনৰ ২১ মেত তেওঁ মাউণ্ট এভাৰেষ্ট আৰোহণ
কৰিবলৈ সক্ষম হল ।
৪।
এভাৰেষ্ট বিজয়ৰ সপোন দিঠকত পৰিণত কৰিবলৈ অৰুণিমাই কেনেদৰে অনুশীলন কৰিছিল?
উত্তৰ:- এভাৰেষ্ট বিজয়ৰ সপোন পূৰণ কৰিবলৈ অৰুণিমাই কঠোৰ
অনুশীলন কৰিছিল । টাটা ষ্টীল এডভেঞ্চাৰ ফাউণ্ডেচনে চলোৱা অনুশীলন কেম্পত এভাৰেষ্ট
বিজয়ী বাচেন্দ্ৰী পালৰ তত্বাবধানত অনুশীলন চলিল ।
শাৰীৰিক, মানসিক, দুয়ো
দিশতে একোৰে অভাৱ নাছিল অৰুণিমাৰ । ভৰিখন হেৰুৱাৰ দুৰ্ভাগ্যক সৌভাগ্যলৈ ৰুপান্তৰিত
কৰাৰ প্ৰতিজ্ঞা সফল কৰিবলৈ উঠি পৰি লাগিছিল । অৰুণিমাই প্ৰায় এবছৰ কাল একে
লেথাৰিয়ে উৎসাহ উদ্যমেৰে অহৰহ চেষ্টা অব্যাহত ৰাখি অনুশীলনতে আত্মসমৰ্পণ কৰিছিল
অৰুণিমাই । কেতিয়াবা এনেকুৱাও হৈছিল আন সাধাৰণ মানুহে যিটো খোজ দুই বা তিনি মিনিটতে
শিকিব পাৰিছিল তেওঁৰ ক্ষেত্ৰত সেই খোজটো শিকিবৰ বাবে দুই তিনি ঘণ্টা লাগি গৈছিল ।
তথাপিও অৰুণিমাই আশা এৰি দিয়া নাছিল । এনেদৰে কঠোৰ অনুশীলনৰ পিছত অৰুণিমাই ২০১৩
চনৰ ২১ মেত পৃথিৱীৰ
শীৰ্ষতম স্থান অৰ্থাৎ এভাৰেষ্টত পদাৰ্পন কৰাৰ সপোন সাকাৰ হৈছিল ।
৫।
অৰুণিমা সিন্হাই কিয় লাডাখত থকা মাউণ্ট চামছেৰ কাংৰিৰ অভিযান সম্পূৰ্ণ কৰিব
নোৱাৰিলে?
উত্তৰ:- লাডাখত থকা মাউণ্ট চামছেৰ কাংৰিৰ উচ্চতা আছিল ২১,১০৮ ফুট উচ্চতালৈ
আৰোহণ কৰিবলৈ সক্ষম হল । সেই সময়ত বতৰ আছিল অত্যন্ত প্ৰতিকূল এনে প্ৰতিকূল বতৰত
আভিযান চলোৱা অসম্ভৱ হৈ পৰাত শিখৰলৈ মাত্ৰ ৬৯০ ফুট অতিক্ৰম কৰিবলৈ বাকি থাকোতে
অৰুণিমা সিন্হা আৰু সংগীসকলে অভিযান সামৰি তললৈ নামি আহিব লগীয়া হল ।
৬। অৰুণিমা সিন্হাৰ এভাৰেষ্ট
অভিযানৰ বৰ্ণনা দিয়া ।
উত্তৰ:- এভাৰেষ্ট বিজয়ৰ সপোন দিঠকত পৰিণত কৰিবৰ বাবে
অৰুণিমাই কঠোৰ ভাৱে অনুশীলন কৰিছিল । ভৰিখন হেৰুৱাৰ দুৰ্ভাগ্যক সুভাগ্যলৈ
ৰুপান্তৰিত কৰাৰ প্ৰতিজ্ঞা সফল কৰিবলৈ উঠি পৰি লাগিছিল অৰুণিমা । কেতিয়াবা এনেকুৱা
হৈছিল যে আন সাধাৰণ মানুহে যিটো খোজ দুই বা তিনি মিনিটত শিকিব পাৰিছিল তেওঁৰ
ক্ষেত্ৰত সেই খোজটো শিকিবৰ বাবে দুই তিনি ঘণ্টা সময় লাগিছিল । তথাপিও অৰুণিমাই আশা এৰি দিয়া নাছিল । অৱশেষত লাডাখত থকা মাউণ্ট চামচেৰ কাংৰিৰ ২১,১০৮ ফুট উচ্চতালৈ আৰোহণ কৰিবলৈ সক্ষম হ'ল অৰুণিমা ।
মাউণ্ট এভাৰেষ্ট কাংৰিৰ উচ্চতম শিখৰলৈ উচ্চতা আছিল ২১,৭৯৮
ফুট। সেই সময়ত বতৰ আছিল অত্যন্ত প্ৰতিকূল । এনে প্ৰতিকূল বতৰত অভিযান চলোৱা অসম্ভৱ
হৈ পৰাত শিখৰলৈ মাত্ৰ ৬৯০ ফুট অতিক্ৰম কৰিবলৈ বাকী থাকোঁতে অৰুণিমা সিন্হা আৰু
সংগীসকলে অভিযান সামৰি তললৈ নামি আহিবলগীয়া হল ।
মাউণ্ট চামচেৰ কাংৰিৰ ২১,১০৮ ফুট উচ্চতালৈ
আৰোহণ কৰাটোৱে অৰুণিমাৰ মনোবল অধিক দৃঢ় কৰি তুলিলে । এইবাৰ অৰুণিমা মাউণ্ট
এভাৰেষ্ট বগাবলৈ সাজু হল । মাউণ্ট এভাৰেষ্টৰ শৃংগত থিয় হৈ ফটো তোলা, ভিডিঅৰ জৰিয়তে বিশ্ববাসীক নিজৰ বিৰল অভিজ্ঞতাৰ বিষয়ে জনোৱাৰ অভিপ্ৰায়েৰে তেওঁ লগত দুটাকৈ কেমেৰা, পানী আৰু
অক্সিজেন লৈ গৈছিল । চাৰি নং
কেম্প পাওঁতে অৰুণিমাৰ দুয়োখন ভৰিৰ পৰা তেজ নিগৰি ভয়ংকৰ ৰুপ হৈছিল । লগত নিয়া
অক্সিজেনো প্ৰায় শেষ হওঁ হওঁ হৈছিল ।
অদম্য সাহস আৰু উতসাহেৰে তেওঁ
আগুৱাই গৈ আছিল । তেজ নিগৰি থকা আঁঠু দুটাৰ পৰা ৰুমালেৰে তেজ মছি মছি আগুৱাই গৈ
থাকোতেঁ বাটত তেওঁ বহুতো অভিযাত্ৰীৰ মৃতদেহ দেখা পাইছিল। কিন্তু একোৱে তেওঁক
নিৰস্ত্ৰ কৰিব পৰা নাছিল। প্ৰচণ্ড পৰিশ্ৰম, অদম্য মনোবল,
আৰু কষ্টসহিষ্ণুতাৰ ফল অৱশেষত ফলিল। কাঠমাণ্ডোৰ পৰা যাত্ৰা আৰম্ভ
কৰাৰ বাৱন দিনৰ অন্তত নিশা প্ৰায় আঠ বজাত তেওঁ ৮,৮৪৮ মিটাৰ
উচ্চতাত অৱস্থিত মাউণ্ট এভাৰেষ্ট শৃংগত পদাৰ্পণ কৰিবলৈ সক্ষম হল । তেওঁ প্ৰায় ডেৰ ঘণ্টা সময় তাত আছিল। তাৰিখটো আছিল ২১মে' ২০১৩ চন ।
৭।
“একোগৰাকী ব্যক্তীয়ে নিজৰ প্ৰতিভাৰে জাতীয় জীৱনত জিলিকি উঠি আন সহস্ৰজনৰ
বাবে আশা আৰু প্ৰেৰণাৰ বতৰা কঢ়িয়াই আনে ।” -কথাষাৰৰ
যুক্তিযুক্ততা অৰুণিমা সিন্হাৰ জীৱনৰ আধাৰত বুজাই লিখা।
উত্তৰ:- একোগৰাকী ব্যক্তিয়ে নিজৰ প্ৰতিভাৰে জাতীয় জীৱনত
জিলিকি উঠি আন সহস্ৰজনৰ বাবে আশা আৰু প্ৰেৰণাৰ বতৰা কঢ়িয়াই আনে । তেনে আশা আৰু
প্ৰেৰণাই বহুজনক আনন্দ দিয়ে, হতাশা দূৰ কৰে আৰু আগলৈ পুনৰ
নতুন উদ্যমেৰে আগবাঢ়ি গৈ লক্ষ্যত উপনীত হবলৈ সাহস যোগায় । তেনে এগৰাকী ব্যক্তি হল
অৰুণিমা সিন্হা ।
জীৱনৰ সফলতা তথা উন্নতিৰ মূল মন্ত্ৰ হ'ল প্ৰচণ্ড
ইচ্ছাশক্তি আৰু দৃঢ়তা । প্ৰবল ইচ্ছাশক্তিয়ে লক্ষ্যত উপনীত হোৱাৰ বাটত থকা অনেক
প্ৰত্যাহ্বান হেলাৰঙে অতিক্ৰম কৰাত সহায় কৰে । উত্তৰ প্ৰদেশৰ অৰুণিমা সিন্হা নামৰ
চাব্বিছ বছৰীয়া যুৱতীগৰাকীয়ে অসাধ্য সাধন কৰি বিশ্বৰ আগত উদাহৰণ দাঙি ধৰিছে ।
ৰাষ্ট্ৰীয় পৰ্যায়ৰ ভলীবল খেলুৱৈ অৰুণিমা সিন্হা লখনউৰ পৰা দিল্লীৰ অভীমুখে
ৰেলযাত্ৰাত দুৰ্বৃত্তৰ কবলত পৰি এখন ভৰি চিৰদিনৰ বাবে হেৰুৱাব লগীয়া হৈছিল ।
হেৰুওৱা ভৰিখনৰ ঠাইত কৃত্ৰিম ভৰি লগাব লগীয়া হৈছিল । অথচ দুৰন্ত সাহস আৰু আত্মবিশ্বাসক
সাৰথি কৰি অৰুণিমাই নিজৰ শাৰীৰিক প্ৰতিবন্ধকতা নেওচি এভাৰেষ্ট বিজয়ৰ সপোন দেখিছিল ।
এভাৰেষ্ট বিজয় কৰা বাচেন্দ্ৰি পালৰ পৰামৰ্শ, সহায় আৰু
প্ৰশিক্ষণৰ বলত অৰুণিমাই নিজকে পৰ্বতাৰোহণৰ বাবে সাজু কৰিছিল আৰু অৱশেষত ২০১৩ চনৰ
২১ মে'ত এভাৰেষ্ট আৰোহণ কৰি নিজৰ সপোন দিঠকত পৰিণত কৰিছিল ।
যি সময়ত শাৰীৰিক প্ৰতিবন্ধকতা সহস্ৰজনে নিজৰ
দুৰ্ভাগ্যৰুপে জ্ঞান কৰি আহিছে, তেনে সময়ত নিজৰ অধ্যৱসায়ৰ
জৰিয়তে দুৰ্ভাগ্যক সৌভাগ্যলৈ ৰুপান্তৰিত কৰি জগতলৈ চানেকি দেখুওৱাইছে অৰুণিমা
সিন্হাই ।
- Class 10 Maths Solutions
- Class 10 Science Solutins
- Class 10 Social Science Solutions
- Class 10 Assamese Solutions
- Class 10 English Solutions
- Class 10 Hindi Solutions
- Class 10 Advanced Geography Solutions
৮।
ক্ৰিকেট খেলুৱৈ যুৱৰাজ সিঙে অৰুণিমাক কেনেদৰে অনুপ্ৰাণিত কৰিছিল?
উত্তৰ:- ক্ৰিকেট খেলুৱৈ যুৱৰাজ সিঙে অৰুণিমাক এভাৰেষ্ট
বিজয়ৰ সপোন সাকাৰ কৰাত অনুপ্ৰেৰণা যোগাইছিল । কৰ্কট ৰোগত আক্ৰান্ত যুৱৰাজ সিঙে
নিজৰ অদম্য মানসিক শক্তিৰে সেই বেমাৰৰ পৰা আৰোগ্য লাভ কৰি নিজৰ লক্ষ্য পূৰণৰ বাটত
আগুৱাই যাবলৈ সক্ষম হোৱাটো অৰুণিমাই দেখিবলৈ পাইছিল । যুৱৰাজে দেখুৱাই দিছিল, মনৰ বল আৰু
আত্মবিশ্বাস থাকিলে শাৰীৰিক বাধাই কোনো প্ৰতিৰোধৰ সৃষ্টি কৰিব নোৱাৰে আৰু জীৱনৰ
উত্তৰণৰ বাটত ই হেঙাৰ হব নোৱাৰে । যুৱৰাজ সিঙৰ দ্বাৰা অণুপ্ৰাণিত হৈ দুৰন্ত সাহস
আৰু আত্মবিশ্বাসক সাৰথি কৰি অৰুণিমাই নিজৰ শাৰীৰিক প্ৰতিবন্ধকতা নেওচি এভাৰেষ্ট
বিজয় কৰিবৰ বাবে সক্ষম হয় ।
৯।
চমুটোকা লিখা।
বাচেন্দ্ৰি পাল, টেনজিং নৰগে,
ষ্টিফেন হকিং।
উত্তৰ:-
বাচেন্দ্ৰি
পাল- বাচেন্দ্ৰি পালৰ জন্ম হয়
উত্তৰাখণ্ডৰ নাকুৰি গাৱঁত । প্ৰথম মহিলা এভাৰেষ্ট বিজয়ী বাচেন্দ্ৰি পালে প্ৰথমে
পৰ্বতাৰোহন কৰিছিল ১২ বছৰ বয়সত । উচ্চতা আছিল ১৩,১২৩ ফুট । ১৯৮৪ চনত তেওঁ মাউণ্ট
এভাৰেষ্টৰ শীৰ্ষত অৱতৰণ কৰিবলৈ সক্ষম হয় । ইয়াৰ বাবে তেওঁ শ্ৰেষ্ঠ পৰ্বতাৰোহী
হিচাপে ১৯৮৪ চনত সোণৰ পদক লাভ কৰে ।
টেনজিং
নৰগেঃ টেনজিং নগৰে জন্ম হয় নেপালৰ
খোলোখুম জিলাত । হিউ ৰাটলেজৰ নেতৃত্বত ১৯৩৬ চনত ব্ৰিটিচ মাউণ্ট এভাৰেষ্ট অভিযান
আৰু দ্বিতীয় মাউণ্ট এভাৰেষ্ট অভিযান । প্ৰতিকূল বতৰৰ বাবে তেওঁলোকে এই অভিযান
সম্পূৰ্ণ কৰিব নোৱাৰিলে । এনেদৰে কেইবাবাৰো অভিযান চলোৱাৰ অন্তত ১৯৫৩ চনৰ ২৯ মে তাৰিখে
তেওঁ এভাৰেষ্টত পদাৰ্পণ কৰে ।
ভাষা
-বিষয়কঃ
১০।
সন্ধি ভাঙাঃ
সংশয়, পৰ্বতাৰোহণ,
উতসাহ, হিমালয়, প্ৰত্যাহ্বান,
বিপদাপন্ন।
উত্তৰ:-
সংশয় - সম + শয়
পৰ্বতাৰোহণ- পৰ্বত +আৰোহণ
উতসাহ- উত + সাহ
হিমালয়-
হিম + আলয়
প্ৰত্যাহ্বান- প্ৰতি +আহ্বান
বিপদাপন্ন- বিপদ + আপন্ন
১১।
তলৰ শব্দকেইটাৰ উপৰ্সগ ভাঙি দেখুওৱাঃ
অনুৰাগ, অনুভৱ, অভিনয়, প্ৰতিফল ।
উত্তৰ:-
অনুৰাগ-
অনু + ৰাগ
অনুভৱ- অনু + ভৱ
অভিনয়- অভি + নয়
প্ৰতিকূল- প্ৰতি + কূল
Assamese All Chapter Question Answer .
Published By Lokesh Das
Class 10 Assamese questions Answer.