Class 10 Assamese Book Question Answer SEBA .
ধৰ ঝাড়ু ধৰ ভাই
১। অতি চমুকৈ উত্তৰ দিয়াঃ
ক) অম্বিকাগিৰী ৰায়চৌধুৰীক কি আখ্যা দিয়া হৈছিল?
উত্তৰ:- অম্বিকাগিৰী ৰায়চৌধুৰীক ‘অসম কেশৰী’ আখ্যা দিয়া হৈছিল ।
খ) সাতামপুৰুষীয়া ‘সোণৰ চোতাল –
ঘৰ’ কিহেৰে পোত খাই আছে বুলি কবিয়ে কৈছে?
উত্তৰ:- সাতামপুৰুষীয়া ‘সোণৰ চোতাল – ঘৰ’ ‘কত যুগৰ
ভূঁহুৰ পৰি’ পোত খাই আছে বুলি কবিয়ে কৈছে ।
গ) জাতিৰ জীৱন মনোহৰ কৰিবলৈ কবিয়ে কি বেশেৰে
ঝাড়ু ধৰিবলৈ কৈছে ?
উত্তৰ:- জাতিৰ জীৱন মনোহৰ কৰিবলৈ কবিয়ে অসমীয়া ভাইসকলক বীৰ
বেশেৰে ঝাড়ু ধৰিবলৈ কৈছে ।
ঘ) কবিয়ে চাই থাকোঁতে মুখ কিহেৰে ভৰি পৰিল বুলিছে?
উত্তৰ:- কবিয়ে চাই থাকোঁতে মুখ কাজল-ছাইৰে ভৰি পৰিল
বুলিছে ।
২। “হ’ল এৱে তোৰ সময় হ’বৰ
জাতিৰ ঝাড়ুদাৰ যে ভাই ।”
-----
ইয়াত কবিয়ে কি কাৰণে ‘জাতিৰ ঝাড়ুদাৰ’ হোৱাৰ সময় হলহি বুলি সকীয়াই দিছে ?
উত্তৰ:- উক্ত কবিতাফাঁকিৰ দ্বাৰা কবিয়ে দেশৰ ভাইসকলক ঝাড়ু ধৰিবলৈ আহ্বান কৰি
তাৰ দ্বাৰা পৰাধীনতাৰ কলংক আঁতৰাই দেশৰ হেৰুৱা স্বাধীনতা পুনৰ উদ্ধাৰ কৰা সময় হল
বুলি উল্লেখ কৰিছে ।
৩। “নহলে যে বিশ্ব সভাত
নহব তোৰ বহাৰ ঠাই ।”
---- বিশ্ব
সভাত বহাৰ ঠাই পাবলৈ কবিয়ে কি কৰিবলৈ নিৰ্দেশ দিছে?
উত্তৰ:- আমাৰ ভাইসকলে ইমানদিনে পৰৰ
গোলামি কৰি, পৰৰ চৰণত পূজা, সেৱা কৰি দিন অতিবাহিত কৰিলে । কিন্তু এতিয়া সকলোৱে
ঝাড়ুদাৰ হৈ নিজৰ মাজত থকা হিংসা-দ্বেষ, ঘৃণা-অহমকাৰ, ভেদা-ভেদ আদি মলি মামৰ আঁতৰ
কৰি একত্ৰিতভাৱে দেশখনৰ হেৰুওৱা স্বাধীনতা ঘূৰাই আনিব লাগে । অসমীয়া ভাইসকল বীৰৰ
বেশেৰে আগবাঢ়ি দৈ দেশৰ হেৰুওৱা স্বাধীনতা পুনৰ উদ্ধাৰ কৰি আনি বিশ্বৰ দৰবাৰত এখন
উচ্চ স্থান অধিকাৰ কৰিবলৈ এই কবিতাটোৰ দ্বাৰা কবিয়ে নিৰ্দেশ দিছে ।
৪। ধৰ
ঝাড়ু ধৰ ভাই - কবিতাটিৰ মূলভাৱ লিখা ।
উত্তৰ:- আমাৰ পাঠ্যপুথিত সন্নিৱিষ্ট ‘ধৰ ঝাড়ু ধৰ ভাই’ শীৰ্ষক
কবিতাটো অম্বিকাগিৰী ৰায় চৌধুৰীৰ দ্বাৰা বিৰচিত এটি স্বদেশপ্ৰেমমূলক কবিতা ।
ঝাড়ুৰে
ঘৰ-দুৱাৰ সাৰি-পুছি চাফ-চিকুণ কৰা হয় । এই কবিতাটোৰ দ্বাৰা কবিয়ে দেশৰ ভাইসকলক ঝাড়ু
ধৰিবলৈ আহ্বান জনাইছে । পৰাধীনতাৰ কাজল – ছাই বা কলংকৰে আমাৰ দেশখন ভৰি পৰিছে ।
আমাৰ সাতামপুৰুষীয়া ঐতিহ্যময় চোতালঘৰ আদি বহু যুগৰ ভুঁহুৰ পৰি পোত যোৱাৰ উপক্ৰম
হৈছে । ইমানদিনে পৰৰ গোলামি কৰা, পৰৰ পূজা-সেৱা কৰা দেশৰ ভাইসকলে আজি ঝাড়ুৰে
সাৰি-পুছি নিজৰ মাজত থকা ভেদা-ভেদ, হিংসা-দ্বেষ, ঘৃণা – অহমকাৰ আদি আঁতৰ কৰি
সকলোৱে একত্ৰিতভাৱে দেশখনৰ হেৰুওৱা স্বাধীনতা পুনৰ ঘূৰাই আনি বিশ্বৰ দৰবাৰত এখন
উচ্চ স্থান অধিকাৰ কৰিবলৈ কবিয়ে সকলোকে নিৰ্দেশ দিছে ।
৫। ব্যাখ্যা কৰাঃ
ক) হিংসা-দ্বেষৰ, ভেদাভেদৰ,
ঘৃণা-ঘৃণি স্বাৰ্থ ভেমৰ
কত যে কি মলি-মামৰ
ভৰি জাতিৰ জীৱন যায় ।
উত্তৰ:- উক্ত কবিতাফাঁকি আমাৰ
পাঠ্যপুথিৰ অন্তৰ্গত বিপ্লৱী কবি অম্বিকাগিৰী ৰায়চৌধুৰীদেৱে ৰচনা কৰা ‘ধৰ ঝাড়ু ধৰ ভাই’নামৰ কবিতাটোৰ
পৰা উদ্ধৃত কৰা হৈছে ।
এই কবিতাটোৰদ্বাৰা কবিৰ দেশৰ প্ৰতি থকা প্ৰেম, ভালপোৱাৰ সুন্দৰ
প্ৰতিফলন ঘটিছে । সেই সময়ত আমাৰ দেশখন পৰাধীনতাৰ কলিয়া ডাৱৰে আৱৰি ধৰিছিল । লোকসকলৰ
মাজত হিংসা-দ্বেষ, ঘৃণা-অহমকাৰ, ভেদা-ভেদ আদি মলি মামৰ আঁতৰ কৰি একত্ৰিতভাৱে
দেশখনৰ হেৰুওৱা স্বাধীনতা ঘূৰাই আনিব লাগে । নহলে ভৱিষ্যতে বিশ্বৰ দৰবাৰত এই জাতিটোৱে স্বকীয়
বৈশিষ্টৰে নিজক প্ৰতিস্থিত কৰিব নোৱাৰিব । গতিকে কবিয়ে দেশৰ সকলো ভাইকে ঝাড়ুদাৰ
হৈ আগবাঢ়ি আহি দেশ পুৰণি কলংক-কালিমা আঁতৰাই দেশখনক নতুন ৰূপত গঢ়িবলৈ আহ্বান
জনাইছে ।
খ) ধৰ ঝাড়ু ধৰ ভাই
আৰু চাবৰ সময় নাই
চাই থাকোঁতে মুখত কেৱল
ভৰিল কাজল-ছাই ।
উত্তৰ:- উক্ত কবিতাফাঁকিটো আমাৰ পাঠ্যপুথিৰ অন্তৰ্গত
অম্বিকাগিৰী ৰায়চৌধুৰীদেৱে ৰচনা কৰা ‘ধৰ ঝাড়ু ধৰ ভাই’কবিতাটোৰ পৰা উদ্ধৃত কৰা হৈছে ।
এই
কবিতাফাকিৰ দ্বাৰা কবিৰ দেশৰ প্ৰতি থকা
প্ৰেম, ভালপোৱা আদিৰ সুন্দৰ প্ৰকাশ ঘটিছে । সেই সময়ত আমাৰ দেশখন পৰাধীনতাৰ কলীয়া
ডাৱৰে আৱৰি ধৰিছিল । সাতামপুৰুষীয়া চোতালঘৰ আদিৰ পুৰণি ঐতিহ্য – গৰিমা বহু যুগৰ
ভুঁহুৰ পৰি পোত যোৱাৰ উপক্ৰম হৈছিল । গতিকে কবিয়ে এই জাৱৰ-জোথৰবোৰ আঁতৰ কৰি অৰ্থাৎ
পৰাধীনতাৰ পৰা দেশখনক উদ্ধাৰ কৰি দেশৰ পুৰণি গৰিমা-কীৰ্তি পুনৰ উভতাই আনিবলৈ দেশৰ
লোকসকল ঝাড়ুদাৰ হবলৈ আহ্বান জনাইছে । দেশৰ ভাইসকল পৰাধীন হৈ থকাৰ সময় শেষ হবলৈ
উপক্ৰম হৈছে । ইতিমধ্যেই এওঁলোকৰ মুখ কাজল ছাইৰে ভৰি পৰিছে । গতিকে সকলোৱে
একত্ৰিতভাৱেৰে এই কাজল ছাই আঁতৰাই কলংক মোচন কৰাৰ সময় আহি পৰিছে বুলি কবিয়ে উল্লেখ
কৰিছে ।
More Resours For Class 10 Solutions in Assamese Medium
- Class 10 Maths Solutions
- Class 10 Science Solutins
- Class 10 Social Science Solutions
- Class 10 Assamese Solutions
- Class 10 English Solutions
- Class 10 Hindi Solutions
- Class 10 Advanced Geography Solutions
৬। ধৰ ঝাড়ু ধৰ ভাই -কবিতাটোৰ মাজেৰে কবি
ৰায়চৌধুৰীদেৱৰ স্বদেশপ্ৰেমৰ ভাৱ কিদৰে প্ৰকাশ পাইছে লিখা ?
উত্তৰ:- ‘ধৰ ঝাড়ু ধৰ ভাই’ বিপ্লৱী কবি
অম্বিকাগিৰী ৰায়চৌধুৰীদেৱে ৰচনা কৰা এটা দেশপ্ৰেমমূলক কবিতা । স্বদেশী আন্দোলনত
যোগদান কৰাৰ সময়ত তেওঁ কেইবাবাৰো কাৰাবাস বৰণ কৰিবলগীয়া হৈছিল । কাৰগাৰত তেওঁক
পায়খানা সাৰি চাফাই কৰা কাম দিয়া হৈছিল । এই কাম কৰোঁতে তেওঁ বাঢ়নী চলোৱাৰ লগে লগে এই কবিতাটি ৰচনা
কৰি গাই গৈছিল । কবি ৰা.চৈধুৰীদেৱে ঝাড়ুৰে পায়খানাৰ
ময়লা পৰিষ্কাৰ কৰোঁতে দেশখনত আৱৰি ধৰা কাজল-ছাইৰূপী পৰাধীনতাৰ কলংক-কালিমা এইবোৰৰ
পৰা উদ্ধাৰ কৰিবলৈ দেশৰ ভাইসকলক ঝাড়ুদাৰ হৈ আগবাঢ়ি আহিবলৈ আহ্বান জনাইছে । আমাৰ
সাতামপুৰুষীয়া ঐতিহ্যময় চোতাল ঘৰ বহু যুগৰ পৰাই ভুঁহুৰ পৰি পৰি পোত খাই যোৱাৰ
উপক্ৰম হৈছে । গতিকে দেশৰ ভাইসকলে হাতত ঝাড়ুলৈ সেই ভুঁহুৰবোৰ সাৰি-পুছি আঁতৰ কৰি
চোতাল ঘৰ পৰিষ্কাৰ কৰি সেই পুৰণি ঐতিহ্য কাৰ্তি পুনৰ ফিৰাই আনিব লাগে । এতিয়া নিজৰ
ভিতৰত থকা হিংসা-দ্বেষ, ভেদা-ভেদ, ভেম-অহংকাৰ আদি ৰূপী মলি-মামৰবোৰ ঝাড়ু দি আঁতৰ
কৰি বীৰৰ বেশেৰে একত্ৰিত হৈ দেশৰ হেৰুৱা স্বাধীনতা পুনৰ ঘূৰাই আনি বিশ্বৰ দৰবাৰত
এখন উচ্চস্থান অধিকাৰ কৰিবলৈ কবিয়ে সকলোকে আহ্বান জনাইছে । উক্ত কবিতাটিত
দেশপ্ৰেমৰ সুন্দৰ নিদৰ্শন ফুটি উঠা দেখা গৈছে ।
ভাষা-বিষয়কঃ
১। তলত দিয়া যুৰীয়া শব্দবোৰেৰে একোটিকৈ বাক্য
ৰচনা কৰাঃ
ক) হীনে-ঘিণে- পৰৰ গোলামি হলে হীনে-ঘিণে সকলো কাম কৰিব লগা হয় ।
খ) ধাৰে-ঋণে- ব্ৰিটিছ সকলক অসমীয়া সকলে ধাৰে-ঋণে হলেও তেওঁলোকৰ চৰণত পূজা
দিব লগীয়া হৈছিল ।
গ) ঘৃণা-ঘৃণি- আমি এজনে আনজনক ঘৃণা-ঘৃণি ভাৱে চাব নালাগে ।
ঘ) জাহি-জাবৰঃ- জাহি-জাবৰ সমূহে ঘৰৰ লেতেৰা কৰে ।
ঙ) সাৰি-পুছিঃ- ঝাড়ুৰে সাৰি-পুছি আমাৰ চাৰিওকাষ চাফ-চিকুন কৰা হয় ।
চ) মলি-মামৰ- এটা সময়ত আমাৰ সমাজত মলি মামৰে ভৰি পৰিছিল ।
২। তলৰ শব্দবোৰত মূৰ্ধন্য ণ হোৱা কাৰণ দৰ্শোৱাঃ
ক) সোণ, খ) ঘৃণা,গ) ঋণ
উত্তৰঃ-
ক) সোণ- কিছুমান শব্দত স্বাভাৱিকতে মূৰ্ধন্য ণ
হয় ।
খ) ঘৃণা- একেটা পদতে থকা ঋ,ৰ আৰু ষ পাছৰ দন্ত্য ন মূৰ্ধন্য ণ হয় ।
গ) ঋণ- একেটা পদতে থকা ঋ,ৰ আৰু ষ পাছৰ
দন্ত্য ন মূৰ্ধন্য ণ হয় ।
৩। বিপৰীত শব্দ লিখাঃ
ক) ঘৃণা, খ) স্বাৰ্থ, গ) জীৱন, ঘ) বীৰ
উত্তৰঃ-
ক) ঘৃণা-
প্ৰেম
খ) স্বাৰ্থ- নিস্বাৰ্থ
গ) জীৱন- মৰণ
ঘ) বীৰ- দুৰ্বল
Assamese All Chapter Question Answer .
Published By Lokesh Das
Class 10 Assamese questions Answer.