তৰ্কবিজ্ঞান আৰু দৰ্শন প্ৰশ্ন উত্তৰ Class 12 Logic & Philosophy Question Answer
More Resources For Class 10 Solutions in Assamese Medium
- Class 10 Maths Solutions
- Class 10 Science Solutions
- Class 10 Social Science Solutions
- Class 10 Assamese Solutions
- Class 10 English Solutions
- Class 10 Hindi Solutions
- Class 10 Advanced Geography Solutions
More Resources For Class 9 Solutions in Assamese Medium
- Class 9 Maths Solutions
- Class 9 Science Solutions
- Class 9 Social Science Solutions
- Class9 Assamese Solutions
- Class9 English Solutions
- Class 9 Hindi Solutions
- Class 9 Advanced Geography Solutions
MCQ
Questions for class 10 Maths
| Class 10 Maths Model | Solutions Links |
|---|---|
| Class 10 Maths MCQ Questions | Click Here |
| Class 10 Maths Important Questions | Click Here |
| Subscribe our Youtube Channel | Click Here |
অতিৰিক্ত প্ৰশ্নোত্তৰঃ
১। তৰ্কবিজ্ঞানক সাধাৰণতে কিহৰ বিজ্ঞান বুলি কোৱা হয় ?
উত্তৰঃ অনুমানৰ বিজ্ঞান ।
২। যুক্তি কাক বোলে ?
উত্তৰঃ অনুমানক যেতিয়া ভাষাৰ মাধ্যমত প্ৰকাশ কৰা হয়, তেতিয়া তাক যুক্তি বোলে ।
৩। কোনো এটা বচন বিশ্লেষণ কৰিলে কেইটা অংশ পোৱা যায় ? অংশকেইটা কি কি ?
উত্তৰঃ কোনো এটা বচন বিশ্লেষণ কৰিলে তিনিটা অংশ পোৱা যায় । অংশকেইটা হ’ল-
১। উদ্দেশ্য
২। সংযোজক আৰু
৩। বিধেয়ক
৪। উদ্দেশ্য কাক বোলে ?
উত্তৰঃ বচনত যাৰ বিষয়ে কিবা কোৱা হয় অৰ্থাত স্বীকাৰ বা অস্বীকাৰ কৰা হয় তাকে উদ্দেশ্য বোলা হয় ।
৫। বিধেয় কাক বোলে ?
উত্তৰঃ উদ্দেশ্য সম্পৰ্কে যি কোৱা হয় অৰ্থাত স্বীকাৰ বা অস্বীকাৰ কৰা হয় তাকে বিধেয় বোলে ।
৬। সংযোজক কাক বোলে ?
উত্তৰঃ উদ্দেশ্য আৰু বিধেয়ৰ মাজত থকা সম্বন্ধ সূচক শব্দক সংযোজক বোলা হয় ।
পদ (tern): যি শব্দ বা শব্দসমষ্টি আন কোনো শব্দৰ সহায় নোলোৱাকৈ নিজে নিজে কোনো বচনৰ উদ্দেশ্য নাইবা বিধেয় ৰুপে ব্যৱহিত হয় তাকে পদ বোলে ।
১। শব্দ কাক বোলে ?
উত্তৰঃ অৰ্থযুক্ত বৰ্ণ বা বৰ্ণৰ সমষ্টিক শব্দ বোলে ।
Or
কোনো এটা বৰ্ণ বা এটাতকৈ অধিক বৰ্ণ লগ লাগি কোনো এটা সম্পূৰ্ণ অৰ্থ প্ৰকাশ কৰে, তেতিয়া তাক শব্দ বোলে ।
Note: সকলো পদ এটা বা এটাতকৈ অধিক শব্দেৰে গঠিত হয় ।
তৰ্কবিজ্ঞান
১। তৰ্কবিজ্ঞানৰ ইংৰাজী প্ৰতিশব্দ শব্দটো কোনটো গ্ৰীক শব্দৰ পৰা উদ্ভৱ Logic হৈছে ?
উত্তৰঃ Logic শব্দৰ পৰা ।
২। Logos শব্দৰ অৰ্থ কি ?
উত্তৰঃ Logos শব্দৰ অৰ্থ হৈছে চিন্তা বা চিন্তাৰ প্ৰকাশ হিচাপে শব্দ ।
৩। তৰ্কবিজ্ঞান মানে কি ?
উত্তৰঃ ভাষাত প্ৰকাশিত চিন্তাৰ বিজ্ঞানক তৰ্কবিজ্ঞান বুলি কোৱা হয় ।
৪। বিজ্ঞানৰ সংজ্ঞা দিয়া ।
উত্তৰঃ প্ৰকৃতিৰ কোনো এটা নিৰ্দিষ্ট বিভাগ সম্পৰ্কে সুসংঘবদ্ধ, সাধাৰণ, যুক্তিনিষ্ঠ, প্ৰামাণিক, যথাৰ্থ আৰু সুনিশ্চিত জ্ঞানক বিজ্ঞান বোলে ।
যেনেঃ পদাৰ্থবিজ্ঞান, মনোবিজ্ঞান ইত্যাতি ।
৫। অনুমান কাক বোলে ?
উত্তৰঃ যি মানসিক প্ৰক্ৰিয়াৰ জৰিয়তে জ্ঞান সত্যৰ ওপৰত নিৰ্ভৰ কৰি অজ্ঞাত নতুন সত্যত উপনীত হোৱা যায়, তাক অনুমান বোলে ।
৬। অনুমানত জ্ঞাত বিষয় বা সত্যই কি গঠন কৰে ?
উত্তৰঃ আধাৰবচন ।
৭। অনুমানক কি কি ভাগত ভাগ কৰা হয় ?
উত্তৰঃ অনুমানক দুটা ভাগত ভাগ কৰা হয় ।
১। নিগমন (Deductive)
২। আগমন (Inductive)
৮। তৰ্কবিজ্ঞানৰ আলোচনাৰ মূল বিষয়বস্তু কি ?
উত্তৰঃ তৰ্কবিজ্ঞানৰ আলোচনাৰ মূল বিষয়বস্তু হ’ল – অনুমান ।
৯। তৰ্কবিজ্ঞানক কিয় অনুমানৰ বিজ্ঞান বুলি কোৱা হয় ?
উত্তৰঃ অনুমান সম্পৰ্কে বিজ্ঞানসন্মত ভাৱে আলোচনা কৰাৰ কাৰণে তৰ্কবিজ্ঞানক অনুমানৰ বিজ্ঞান বুলি কোৱা হয়।
১০। জ্ঞানৰ সংজ্ঞা দিয়া ।
উত্তৰঃ যদি বৰ্হিজগতৰ কোনো বস্তু বা ঘটনাৰ লগত মনৰ মাজত উদয় হোৱা ধাৰণাসমূহৰ সামঞ্জস্য বা সাদৃস্য থাকে আৰু সেই সামঞ্জস্য বা সাদৃশ্যত বিশ্বাস থাকে তেনেহ’লে তাক জ্ঞান বোলে ।
১১। জ্ঞানৰ মাজত কেইটা উপাদান নিহিত হৈ থাকে আৰু কি কি ?
উত্তৰঃ জ্ঞানৰ মাজত তিনিটা উপাদান নিহিত থাকে । যেনেঃ
১। কোনো বস্তু বা ঘটনা সম্পৰ্কে মনত উদয় হোৱা ধাৰণা সমূহ,
২। বৰ্হিজগতৰ অস্তিত্বশীল কোনো বস্তু বা ঘটনাৰ লগত এই ধাৰণাসমূহৰ সামঞ্জস্য বা সাদৃশ্য আৰু
৩। এনে সামঞ্জস্যত বিশ্বাস ।
১২। জ্ঞান কেইপ্ৰকাৰৰ আৰু কি কি ?
উত্তৰঃ জ্ঞান দুই প্ৰকাৰৰ । যেনেঃ
১। প্ৰত্যক্ষ জ্ঞান আৰু
২। পৰোক্ষ জ্ঞান ।
১৩। প্ৰত্যক্ষ জ্ঞান কাক বোলে ?
উত্তৰ- অন্য কোনো জ্ঞানৰ সহায় নোলোৱাকৈ পোনপটীয়াভাৱে অৰ্জন কৰা জ্ঞানক প্ৰত্যক্ষ জ্ঞান বোলা হয় ।
১৪। পৰোক্ষ জ্ঞান কাক বোলে ?
উত্তৰঃ অন্য কোনো জ্ঞানৰ মাধ্যমেৰে লাভ কৰা জ্ঞানক পৰোক্ষ জ্ঞান বোলা হয় ।
১৫। তৰ্কবিজ্ঞান কিহৰ লগত জড়িত ?
উত্তৰঃ তৰ্কবিজ্ঞান জ্ঞানৰ বিষয়ৰ সত্যতা প্ৰমাণৰ লগত জড়িত ।
১৬। তৰ্কবিজ্ঞানৰ প্ৰধান আলোচ্য বিষয় কি ?
উত্তৰঃ অনুমান ।
১৭। তৰপ্কবিজ্ঞানৰ মূল কাৰ্য কি ?
উত্তৰঃ তৰ্কবিজ্ঞানৰ মূল কাৰ্য হ’ল- সত্যক জনা বা উপলদ্ধি কৰা আৰু জ্ঞাত বিষয়ৰ সত্যতাক প্ৰমাণ কৰা ।
১৮। আমি কিদৰে সত্যতাত উপনীত হ’ব পাৰোঁ ?
উত্তৰঃ সংগতিপূৰ্ণ চিন্তা বা বাস্তৱ জগতৰ লগত চিন্তাৰ সামঞ্জস্য বা অনুৰুপতাৰ জৰিয়তে আমি সত্যতাত উপনীত হ’ব পাৰো ।
১৯। চিন্তাৰ সত্যতা কেইপ্ৰকাৰৰ আৰু কি কি ?
উত্তৰঃ চিন্তাৰ সত্যতাত দুই প্ৰকাৰৰ । যেনে-
১। আকাৰগত সত্যতা
২। বস্তুগত সত্যতা ।
২০। আকাৰগত সত্যতা বুলিলে কি বুজা ?
উত্তৰঃ সংগতিপূৰ্ণ চিন্তাৰ জৰিয়তে যি সত্যতাত উপনীত হোৱা যায়, তাক আকাৰগত সত্যতা বুলি কোৱা হয় ।
২১। বস্তুগত সত্যতা বুলিলে কি বুজা ?
উত্তৰঃ বাস্তৱ জগতৰ বস্তুৰ লগত চিন্তাৰ বা ধাৰণাৰ সামঞ্জস্য বা অনুৰুপতাৰ জৰিয়তে যি সত্যতাত উপনীত হোৱা যায় তাকে বস্তুগত সত্যতা বুলি কোৱা হয় ।
২২। তৰ্কবিজ্ঞানৰ প্ৰকৃতি কেনেকুৱা ?
উত্তৰঃ তৰ্কবিজ্ঞানৰ প্ৰকৃতি-
১। তৰ্কবিজ্ঞান পৰোক্ষজ্ঞানৰ লগত জড়িত, প্ৰত্যক্ষ জ্ঞানৰ লগত নহয় ।
২। তৰ্কবিজ্ঞান আকাৰগত সত্যতা আৰু বস্তুগত সত্যতা উভয় প্ৰকাৰৰ সত্যতাৰ লগত জড়িত ।
৩। তৰ্কবিজ্ঞান বিজ্ঞান আুৰু কলা উভয়েই ।
৪। তৰ্কবিজ্ঞান বিজ্ঞান সমূহৰ বিজ্ঞান আৰু কলা সমূহৰ কলা ।
৫। তৰবিজ্ঞান আদৰ্শনিষ্ঠ বিজ্ঞান, বিষয়নিষ্ঠ নহয় ।
২৩। তৰ্কবিজ্ঞান বিজ্ঞান নে কলা ?
উত্তৰঃ তৰ্কবিজ্ঞান বিজ্ঞান আৰু কলা উভয়েই ।
২৪। পাশ্চাত্য তৰ্কবিজ্ঞানত আকাৰগত সত্যতা আৰু বস্তুগত সত্যতাৰ পাৰ্থক্যৰ ভিক্তিত তৰ্কবিজ্ঞানক কি কি ভাগত ভাগ কৰা হয় ?
উত্তৰঃ দুটা ভাগত ভাগ কৰা হয়-
১। আকাৰনিষ্ঠ তৰ্কবিজ্ঞান
২। বস্তুনিষ্ঠ তৰ্কবিজ্ঞান ।
