উত্তৰ পূব ভাৰত
১) উত্তৰ লিখা-
(ক) উত্তৰ-পূব ভাৰতৰ কোনখন ৰাজ্যক আগতে নেফা বুলি জনা গৈছিল ?
উত্তৰঃ নেফা (NEFA) বুলি জনা গৈছিল ।
(খ) কোনখন ৰাজ্যৰ ঠেক সমভূমি অংশই উত্তৰ-পূব ভাৰতক ভাৰত ভূখণ্ডৰ লগত সংযোগ কৰিছে ?
উত্তৰঃ পশ্চিমবংগৰ ঠেক সমভূমি অংশই উত্তৰ-পূব ভাৰতক ভাৰত ভূখণ্ডৰ লগত সংযোগ কৰিছে ।
(গ) উত্তৰ-পূব ভাৰতৰ প্ৰধান নদী কেইখন আৰু কি কি ?
উত্তৰঃ উত্তৰ-পূব ভাৰতৰ প্ৰধান নদীসমূহ- মেঘালয়- ডিগাৰু (উমট্ৰু), বৰাপানী (উমিয়াম), সোমেশ্বৰী, দুধনৈ ।
(ঘ) পাহাৰীয়া অঞ্চলতকৈ সমভূমি অঞ্চল কৃষি কাৰ্যত আগবঢ়া কিয় ?
উত্তৰঃ সমভূমি অঞ্চলত থকা ৰাজ্য়কেইখন কৃষিৰ ক্ষেত্ৰত আগবঢ়া । আনহাতে পাহাৰীয়া ৰাজ্য়কেইখনত স্থানান্তৰিত খেতি (ঝুম খেতি) কৰা হয় । কাৰণ পাহাৰীয়া অঞ্চলৰ পথাৰত পানী জমা কৰি ৰাখিব নোৱাৰি । ইয়াত কিছু পৰিমাণে বেদিকা কৃষিও কৰা হয় । পাহাৰৰ এঢলীয়া মাটিত খাপ কাটি বেদিকা কৃষি কৰা হয়। পাহাৰ আৰু সমভূমি অঞ্চলৰ এঢলীয়া মাটিত চাহ, ৰবৰ আদিৰ দৰে ৰূপন কৃষিও কৰা হয় । তুলনামূলকভাৱে পাহাৰীয়া অঞ্চলতকৈ সমভূমি অঞ্চলত কৃষি কাৰ্য কৰিবলৈ সুবিধাজনক ।
পাহাৰীয়া অঞ্চলবোৰলৈ উচ্চতাৰ বাবে কৃষিৰ প্ৰয়োজনীয় সা-সামগ্ৰীবোৰ কঢ়িয়াই নিয়াত অসুবিধা থাকে । মাটি ওখোৰা মোখোৰা হোৱাৰ বাবে চহাবলৈ কষ্টকৰ জলসিঞ্চনৰ ক্ষেত্ৰটো পাহাৰীয়া অঞ্চলত সমস্যাৰ সন্মুখীন হ'ব লগীয়া হয় সমভূমিত নদী-পুখুৰী, জলাশয় আদিৰ পৰা পানী যোগানৰ সুবিধা থাকে ।
(ঙ) উত্তৰ-পূব ভাৰতৰ কোনখন ৰাজ্য উদ্যোগৰ ক্ষেত্ৰত আগবঢ়া ?
উত্তৰঃ উত্তৰ-পূব ভাৰতৰ অসম উদ্যোগৰ ক্ষেত্ৰত আগবঢ়া ।
২। পাহাৰীয়া অঞ্চলত কেনে ধৰণে খেতি হয় ? (৫০ টা মান শব্দৰ ভিতৰত লিখা ।)
উত্তৰঃ পাহাৰীয়া জনগোষ্ঠীৰ লোকসকলে ঝুম খেতি পদ্ধতিৰে খেতি কৰে। প্ৰতি বছৰে পাহাৰৰ হাবি-বন কাটি জুই লগাই ঝুম খেতি পথাৰ মুকলি কৰা হয় । মাটি খিনি মুকলি কৰাৰ পিছত তাত পৰম্পৰাগত সা-সঁজুলিৰে মাটি চহাই কৃষিকাৰ্য কৰা হয়। পাহাৰত ঝুম পদ্ধতিৰে খেতি কৰি আলু, কচু, হালধি, কল, তিল, ধান, আদি বিভিন্ন শস্য উৎপাদন কৰা হয় । দুই তিনিবছৰ মান এডোখৰ কৃষিভূমি ব্যৱহাৰ কৰাৰ পিছত সেই ঠাই এৰি আন এঠাইত খেতিৰ বাবে মাটি মুকলি কৰা হয় ।
৩। খালী ঠাই পূৰ কৰা-
(ক) উত্তৰ-পূব ভাৰতৰ সাতখন ৰাজ্যৰ মুঠ মাটিকালি ২,৫৫,০৮৩ বৰ্গ কিল'মিটাৰ ।
(খ) ভাৰতৰ উত্তৰ-পূব অঞ্চল ২০º উত্তৰ অক্ষাংশৰ পৰা ২৯º৩০৴ উত্তৰ অক্ষাংশলৈকে বিস্তৃত ।
(গ) উত্তৰ পূব মৌছুমী বতাহ শীত কালত বয় ।
(ঘ) উত্তৰ - পূব ভাৰতত মুঠতে ৭ খন ৰাজ্য আছে ।
(ঙ) মিজোৰাম উত্তৰ-পূব ভাৰতৰ একেবাৰে দক্ষিণ ফালে থকা ৰাজ্য ।
৪ । উত্তৰ-পূব ভাৰতৰ মানচিত্র এখন আঁকি তলত দিয়াবোৰ যথাস্থানত বহুওৱা —
(ক) উত্তৰ-পূব ভাৰতৰ চাৰিসীমা ।
(খ) ব্ৰহ্মপুত্ৰ আৰু বৰাক নদী
(গ) অসম, মেঘালয়, মণিপুৰৰ ৰাজধানী ।
(ঘ) নামৰূপ সাৰ কাৰখানা ।
(ঙ) পর্যটন ক্ষেত্ৰ টাৱাং ।
.png)
